الجيش بيتخانق مع الشرطة والشعب بيحوش

وانا ماشي فى شارع ممدوح سالم (امام معرض الكتاب)حدث موقف يمكن اول مرة اشوفه فى حياتى

ماشي فى امان الله انا وزمايلى وفجأة

لقينا الشارع فاضي خالص مافيهوش ولا عربية بصينا ناحية طريق العباسية لقينا الاتى:

امين شرطة شاب حديث السن واقف امام عربية (فاميه ملاكى) وفجأة العربية شالت الامين الشرطة لحد ما امين الشرطة ده وقع ع الارض وعينك ما تشوف الا النور قام امين الشرطة ده وجرى وعدى السايد التانى من الطريق ووقف قصاد العربية(ولا افلام هوليود والله)ومسك طوب وزقله على العربية بتاعت الظابط(نقيب فى الجيش)نزل النقيب وحدث مايؤسف زماننا تصارع الرجلين والاتنين لابسين اللبس الميرى والله كانت حاجة مؤسفة جدا

الشاهد فى الموضوع (بصرف النظرعن سبب الشجار ) لما حضرت الشرطة العسكرية قال أمين الشرطة انه قال للنقيب مايعديش من هنا عشان الطريق زحمة والنقيب قاله ده انا بيتى هنا عدينى وأمين الشرطة رفض فشاله النقيب بالعربية_على حد قولهم_المهم فى ده كله

النااااااااااااااااااااااااااااااااااااااااااااااااااااااااااس

هذا فعلا مايؤسف ولا واحد من اللى كانوا واقفين شاف الحادث من اوله وكلهم وقفوا جنب النقيب ومافيش الا امرأة عجوز بكت للشرطة العسكرية وقالت لهم ان النقيب هو الغلطان

والله الناس اللى واقف يقول للنقيب_بعد ما ضربه امين الشرطة_اوعى تسيب حقك مش واحد زى *****يضرك وتسيب حقك واللى يقول للنقيب اتصل بلواءات الواد أمين الشرطة ده لازم يتسجن والنقيب يقول انا لازم اسجنه واللى يثبت فى النقيب ويقوله انا فرتكته كفاية عليه كده واللى يقول .............الخ من الكلمات اللى تودى أمين الشرطة ده تحت حبل الاعدام وهو والله أعلم برئ لانه ينفذ الاوامر بعدم دخول اى شخص الشارع مهما كانت رتبته

هذا ماوقعنا فيه يامة محمد

شهــــــادة الـــــزور

نظرا لما لشهادة الزور من أضرار ومخاطر على الأفراد والمجتمعات فقد ورد ذمها في كتاب الله و في سنة رسول الله

يقول الله تعالى : ( وَالَّذِينَ لا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَاماً) (الفرقان:72).
و يقول: ( فَاجْتَنِبُوا الرِّجْسَ مِنَ الأَوْثَانِ وَاجْتَنِبُوا قَوْلَ الزُّورِ) (الحج: من الآية30). ويقول : (وَإِنَّهُمْ لَيَقُولُونَ مُنْكَراً مِنَ الْقَوْلِ وَزُوراً ) (المجادلة: من الآية2).
وعن أبي بكر – رضي الله عنه – قال : قال النبي صلى الله عليه و سلم : " ألا أنبئكم بأكبر الكبائر ( ثلاثاً ) ؟ قالوا : بلى يا رسول الله ، قال : الإشراك بالله و عقوق الوالدين و جلس وكان متكئاً فقال : ألا و قول الزور " قال : فما زال يكررها حتى قلنا : ليته سكت ". رواه البخاري و مسلم ، قال ابن حجر في قوله: " و جلس و كان متكئاً " يشعر بأنه اهتم بذلك حتى جلس بعد أن كان متكئاً ، و يفيد ذلك تأكيد تحريم الزور وعظم قبحه ، و سبب الاهتمام بذلك كون قول الزور أو شهادة الزور أسهل وقوعاً على الناس ، و التهاون بها أكثر ، فإن الإشراك ينبو عنه قلب المسلم ، و العقوق يصرف عنه الطبع ، و أما الزور فالحوامل عليه كثيرة ، كالعداوة و الحسد وغيرها ، فاحتيج للاهتمام بتعظيمه و ليس ذلك لعظمها بالنسبة إلى ما ذكر معها من الإشراك قطعاً ، بل لكون مفسدة الزور متعدية إلى غير الشاهد بخلاف الشرك فإن مفسدته قاصرة غالباً.
بل إن رسول الله صلى الله عليه وسلم حذر من الزور وقوله والعمل به حتى قال: " من لم يدع قول الزور والعمل به فليس لله حاجة في أن يدع طعامه وشرابه". رواه البخاري.

المهم الذى اعنيه من القصة دى اننا نكون ايجابيين ولانخاف فى الحق لومة لائم