Welcome..All Rights Reserved to © AbdAllah Hosni AbdAllah With My Best Wishes. انتقل للمتابعة عبر صفحتي على الفيسبوك




زورونا على الفيس بوك

خــالــدون

ثـــــــورة الحريـــــة 25 يناير


كااااااااان ليا الشرف انى كنت واحد من الجيل اللى شارك في الثورة
كان ليا الشرف انى شفت بعنيا طاغية ظالم بيسقط
كان ليا شرف انى كنت في ميدان (شهداء الحرية

عمري ماكنت اتصور اننا نسمع الاغاني الوطنية دي في وقتها المناسب فعلا
بعد ماكنا بنسمعها في حالة واحدة بس ...فوز منتخب مصر لكرة القدم

.............................
حــــــــــــــــــــــــــــــــرية
اول مرة في حياتى احس بمعنى الحرية
سمعت عنه كتييييييييييير وشاهدت مواقف كتيييير لكن كاحساس فـدي اول مرة
حـــــــرية بجد...لما فجأة الاقي الشعب المصري كله بيتناقش في قضايا البلد
بعد 30 سنة ماضحكوا علينا واقنعونا ان السياسة دي ميتكلمش فيها غيرهم
لا والف لا السياسة دي من حق كل مواطن...سياسة في التعامل مع الاخرين...سياسة في الاقصاد...سياسة فى المجتمع...سياسة في حق كل واحد انه يعرف فلوسه بتروح فين...وصوته الانتخابي بيروح فين...ونحاسب الظالمين
ضحكوا علينا وقالوا انه لا سياسة في الدين....وخوفوا الناس من اي حد له لحية حتى (كنتاكي)...عملوا "كهربا" في مخنا كلنا
حــــــــــــــــــــــــــــــــرية
حرية لما فجأة لقيت كل الناس "النضيفة"رجعوا تانى وبيتكلموا وبيقولوا آرائهم...الجنزوري ,عمرو خالد ,احمد زويل,القنوات الفضائية اللى كانت ممنوعة, الاعتراف بشرعية الاخوان المسلمين ......الخ
حرية لما لقيت الفرحة على كل مصري يوم التنحي....ايا كان كان مؤيد
كله كان فرحان....ومش مصدق انه احنانستطيع ان نمحي الظلم بانفسنا طبعا بعد فضل الله

حــــــــــــــــــــــــــــــــرية
الحرية دي بجد احسن من كل حاجة واحسن من اكل العيش
فخور بحريتنا كلنا
وفخور ان عيد ميلادي كان يوم مولد النبي وكان في الثورة
^_^
مبرووووووووووووووووك لكل الشعب المصري
.......................................

احنا عملنا نص المهمة ومنقعدش نتفرج ونستنى اللى يحصل
لا
لازم نغير من نفسنا ونجتهد اكتر ونغير في بلدنا ونمنع الفساد بكل صوره ولو حد شاف حاجة بنفسه يغيرها اول بأول منستناش ثورة تانية
لازم نمنع تفشي العدوى من الجذور
ولا نيأس
ولازم نعرف ان ده كان ابتلاء ولازم نًرى الله من انفسنا خيرا

تحية
لكل الشهداء اللى قدموا ارواحهم ثمن حرية مصر
في جنة الخلد ان شاء الله

قال تعالى :-
ا"وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آَتَاهُمُ اللَّهُ مِنْ فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِمْ مِنْ خَلْفِهِمْ أَلَّا خَوْفٌ عَلَيْهِمْ وَلَا هُمْ يَحْزَنُونَ"ا
____________________________________________
لكل اللى قالوا مصر =مبارك
لكل اللى قالوا مصر هتخرب
لكل اللى قالوا انها ثورة شباب ارعن
لكل اللى قالوا ...."استحالة يتنحى" انتوا هُبل !!!ا
اقولكم .....وانتصرت ارادة الشعب المصري
Happy Valantine Egypt

23 years

عبدالله حسني

(نونّة)



@ 21/7/1988 6pm يعني كان عندي 6 شهور

Born @ 8/2/1988

Fantastic truth about Islam

Log theory




كل انسان له شفرة مخصصة له هو وبس

كل انسان له حاجة تميزه عن غيره

كل انسان جواه موهبة وجواه حاجات كتير هو ميعرفهاش

كل انسان له سيريال نمبر خالص بيه

بالظبط زي المفاتيح

مافيش مفتاح بيفتح شقتين

ولا فى مفتاح بيفتح سيارتين
وفى مفتاح بيبقى فى سنة حادة زايدة او العكس
ممكن يكون المفتاح فيه قطعة حادة ناقصة لكن لايعيبه المهم ان هو لما بيوضع في مكانه بيحقق هدفه

Srart....& Restart

sorry


Shut Down Now

But So0o0on

ISA

إن شاء الله

Restart My self

فى ذكرى مولده....نحيا بسنته


..............................
تركت فيكم أمرين لن تضلوا ما تمسكتم بهما


كتاب الله


و

سنة نبيه


هذا خير احتفال بمولده صلى الله عليه وسلم
ليس احتفال بالقول ولكن احتفال بالفعل
واتباع سنته(صلى الله عليه وسلم) وحبه


عن أَنَس قَالَ: قَالَ النَّبِيُّ :ا
لا يُؤْمِنُ أَحَدُكُمْ حَتّى أَكُونَ أَحَبَّ إِلَيْهِ مِنْ والِدِهِ وَوَلَدِهِ وَالنَّاسِ أَجْمَعينَ
أخرجه البخاري

H@ppy Birth Day 4 Me

التغيير...كلمة سمعناها كتير وبنسمعها كل يوم وكل لحظة
والكلمة دى مو محتاجة كورسات ولا دورات
التغير ده يرتبط بتنضيف القلب دايما
مابالك بسيارة جديدة ودفعت فيها دم قلبك
كل يوم هتغسلها وتنضفها وتحافظ عليها وتشحن بطاريتها
كذلك القلب محتاج كل يوم يتنضف ويتغسل ويتشحن بالعقل بواسطة الشرايين
واكيد اكيد اكيد لو القلب اتنضف
الدم هيتغير للاحسن
وهتبدأ الحيوة والنشاط من تانى

Change I Need
ليش شعار اوباما فقط ولكن ده شعار اى حد عاوز يتغير ويتقدم ويوصل للأحسن
بس ده مجرد
جملة حطتها هنا علشان اخدها حجة عليا وعلى اى حد عاوز يتغير
.........................

كل عام وانا عبدالله ^-^ مش حد تانى

تميت واحد وعشرين سنة ميلادية فقط لاغير
21
وان شاء الله السنة الجاية اكون اتغيرت للأحسن


كل عام وانا اقرب الى الله

وعلى طاعته ادوم

وبس

:-H

الحياة كالماء

السلام عليكم ورحمة الله وبركاته
عدنا بعد الامتحانات...ادعوا لنا بالتوفيق
الواحد كالعادة دايما بيحاول يستفيد ويتعلم من اى حاجة حوله

فعجبتنى اوى كلمات سمعتها من واحد يتكلم عن تنمية الفرد
بصراحة الكلمات دى تتلخص فيها حياتنا العملية كلها فى وجهة نظري



الحياة مثل الماء

life like Water
لا تغلق عليها فتتعفن
ولا تنفتح عليها فتتبخر
ولا تتركها بين يديك فتنفلت منك
ولا تمسكها فتسقط منك
ولكن.....!!؟

((خُذ منها بقدر))


فعلا هكذا الحياة لو اغلقنا عليها ولم ننفتح على الدنيا ولكن بالتمسك بمبادئنا كمسلمين فانها تكون ضنكا

ولو انفتحنا عليها بشكل واسع فانها تتبخر مثل الماء لاننا نندرج فى الاخطاء دون الشعور بها ونسير مع اي ركب

ولو تركناها لشأنها لانفلتت مننا وتنتهى ونخرج منها بكفي حُنين

ولو امسكنا عليها فسوف تسقط منا

ولكن رسخ لنا الاسلام منهجا كافيا لتقدير الحياة والاخذ منها بقدر ورسخ لنا جميع المعاملات

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

موضوع الحمد لله

http://3abdallah.blogspot.com/2008/12/blog-post.हटमल


شكر خاص لكل من ينشر بعض مواضيعي فى المجلات
بس متاخدوش على كدة ^-^لان انا كاتب جميع الحقوق محفوظة

وشكر خاص لاحمد خالد

الحمد لله

الحمد لله على نعمة السمع
الحمد لله على نعمةالبصر
الحمد لله على نعمة الكلام
الحمد لله على نعمة الاسلام
........
من كام يوم كنت مع اصحابي وكنا قاعدين فى قاعة فادهشني جدا رؤية مجموعة من البنات
لقيتهم بيتكلموا مع بعض ولكن.....!!؟؟
ليس كحديثنا
انها طريقة التخاطب بين الصم والبكم
॥لغة الاشارات
ركزت اوى لقيت انهن يبذلن مجهودا خرافيا
علشان واحدة تفهم واحدة الكلام كله بتبذل جهد والطرف الاخر سبحان الله يستقبل نفس الكلام بنفس المعنى
اد ايه اللى بيتكلم((اقصد الراسل)) بيبذل جهد علشان يوصل كل اللى عاوز يقوله للطرف التانى
واد ايه المستلقي بيبذل تركيز قوى علشان لا تفوته معنى اشارة
والعجيب اكتر واكتر
كانوا شايلين -محمول-ا
ماجاش على بالى خالص فايدته بالنسبة ليهم الا لما وصلت رسالة لواحدة منهم ففرجتها على الباقيين الظاهر انها كانت بمناسبة العيد
...........
الحمد لله فعلا على نعمة السمع والكلام
انا عمرى ماحسيت بنعمة الكلام والسمع الا ساعتها وفعلا لازم نحمد ربنا على النعمة دى
لكن الحمد مش مجرد كلام
الحمد يجي عن طريق اننا نستغل السمع والكلام فيما هو خير
قال صلى الله عليه وسلم:
من كان يؤمن بالله و اليوم الآخر فليقل خيرا أو ليصمت
.....
كانت مجرد يقظة

change we need


أولا

كل عام وانتم إلى الله اقرب وعلى طاعته أدوم

وعلى عرفات واقفيييين إن شاء الله



....................

(१)


تعالوا بينا....خلينا نلف الكاميرا ونغير من نفسنا

كفاية ننقد غيرنا.....وتعالوا نغير من نفسنا احسن





...................

(२)


لا للمقاطعة....نعم للاقتداء بالنبي









.............................

الف شكر يااحمد خالد

Tag


لسماع اغنية السعادة.....اضغط تشغيلها اوايقافها ...فى اخر الصفحة


فى البداية عاوز أوضح حاجة بس

كلمة تاج....ليس معناها تاج للرأس

لكن تاج بالانجليزية...يعنى بطاقة

يعنى من الاخر اى حاجة اتنيني بيشتركوا فيها مع بعض بتتسما تاج

ده كان توضيح

ــــــــــــــــــــــــــــــــــــــــــــــــ
((تاج السعادة))


أكتر تاج هافتخر بية فى حياتى لأنة اول تاج يجيلى
وان شاء الله هارد علية بمنتهى الصدق
وأول حاجة عاوزة أعملها قبل مارد على التاج
انى أشكر ((روح الاسلام))على تمريرها للتاج دة ليا

ـــــــــــــــــــــــــ*ــــــــــــــــــــــ
السؤال الأول:ماهى السعادة من وجهة نظرك؟
السعادة من وجهة نظرى احساس بيحس بيه الفرد وقد يختلف الاحساس من فرد لاخر لكن فى الاخر هو احساس بيحس بيه لما يحس انه نجح فى حاجة معينة او انجز فكرة معينة
السؤال التانى:كيف تصل الى السعادة؟
بالطيارة... :) اصل للسعادة فى وجهة نظري عن طريق اسعاد الاخرين وعلى المستوى الشخصي بتحقيق وانجاز حاجة معينة

السؤال الثالث:هل السعادة وهم ام انها حلم صعب؟
لا طبعا السعادة مش وهم أو هى بتكون وهم لناس معينة تبعا لظروفهم الخاصة فكل حياتهم نكد*نكد فبيكون بالنسبة لهم كلمة سعادة دى وهم انما فى الواقع السعادة دى شئ موجود لاخلاف عليه....اما انها حلم صعب انا فى نظري انها حلم...انما صعب ماعتقدش قد تكون حلم الواحد بيسعى ليه ويحققه
السؤال الرابع:هل السعادة طريق للنجاح؟ وضح؟
آها طبعا...لان اى السعادة بتكسب الواحد ثقة فى النفس ولما الواحد بيكون واثق فى نفسه وبيبقى عنده اصرار وعزيمة انه يحقق اى حاجاة فى حياته واللى هي بنسميها النجاح مش شرط نجاح مادى انما ممكن يكون نجاح معنوى زى مثلا ادخل سرور على قلب حد ففعلا السعادة دى طريق للنجاح او أحد الطرق للنجاح مع عوامل أخرى
السؤال الخامس:ماهى أكثر اللحظات التى شعرت فيها بالسعادة؟

أولا ارضاء الله عزوجل ...ثانيا ارضاء اشخاص او بمعنى آخر اسعاد أشخاص كانوا سببا فى اسعادى واكتر حاجة بتسعدنى ان اشوف انسان مكتئب يكون مبسوط وانى احقق لحد حاجة كانت صعبة عليه يحققها او اساعده يعنى فى تحققيها

السؤال السادس:هل يمكن أن تحقق كل شىء؟
لأ مستحيل الواحد يحقق كل شئ انما ممكن يحقق جزء كبييييييييييير جدا من اهدافه فى الحياة اذا كان عنده اصرار وعزيمة

مالايدرك كله لايترك كله

السؤال السابع:السعادة تجعلك تقبل على الحياة ام لا؟
اها لما بكون سعيد بيكون عندى نفس هههه ولما يكون عندىنفس اقدر انجز اى حاجة برده بنفس وبالتالى اقبل على الحياة

السؤال الثامن:هل أحسست يوما انك وصلت لقمة السعادة؟
أياااااااااااااااااااااااااااه...كتييييييييييير ربنا يكترها اكتر واكتر

السؤال التاسع:لماذا تمر أوقات السعادة بسرعة؟
لأ ن عقارب الساعة بتمشي بسرعة... :) لالا هى السعادة موجودة اصلا انما اللى بيتغير هو ظروف الواحد وهى بتختلف من شخصية لاخرى والواقع ان تعاستنا اكتر من سعادتنا فالبتالى بننس الحلو وبنفتكر الوحش فبيتهيألنا انها بتمر بسرعة


السؤال العاشر:هل ترى السعادة فى التدين؟



السؤال الحادى عشر:هل انت متفائل وعندك أمل؟وضح؟
أكيد طبعا انا باكرة التشاؤم وعندى أمل كبييييييييير ويمكن ده ظهر فى البوست اللى فات...وانا اخدت عهد من فترة بعدم التشاؤم خااالص مش كدة ولا ايييييه!!!!؟؟ربنا يجزيه خيييير يارب اللى علمنى الدرس ده
السؤال الثانى عشر:اذا شعرت بالحزن ماذا تفعل؟
بقعد مع نفسي وهاتك ياحساااااااااااب واراجع نفسي كويس والاقى ان احيانا الحزن ده انا اللى بصطنعه لكن فى الاخر بحاول اسعد نفسي


السؤال الثالث عشر:هل يستمر الحزن معك فترة أم ينقضى فى الحال؟
هى عبارة عن علاقة وطيدة بربنا سبحانه وتعالى فمدى قربي وبعدي عن الله بيكون مدى حزنى وسعادتى

لكن انا الحمد لله مابشيلش حاجة فى قلبي خاااااااااااااالص


السؤال الرابع عشر:مارأيك فى الأفراد المتشائمين؟

ربنا معاهم....لا انا فى رأيي انهم ناس بيجحدوا نعمة الله سبحانه وتعالى
نروح بقة لآخر حاجة فى التاج ((الاهدائات)) بمعنى أصح التدبيسات
انا باهدى التاج دة ل
احمد خالد.. امير الهدوء

الباز...خبيب

مصعب...كباية شاي

الحسيني...هوس هوسسس

نبيل...فوح الياسمين

بذرة أمل

أختى العزيزة....لتكن اولا تكون(بس بالانجليزي)ا

جرووووووووب الاسلام كله واحدة واحدة :) هههه


عذرا بقى لو كنت نسيت حد لكن كلكم فى بالي وربنا يعلم

Hopeعندى أمل

عندى أمل

السباحة.....عبر ودروس

السلام عليكم ورحمة الله وبركاته
::::::::::::::::
تنويه:الموضوع نزل لوحدة توماتيكي لانى مساااااافر

:::::::::::

اتيت لكم اليوم بالبوست ده

وبصراحة البوست ده جه لما تمعنت اوى فى قول سيدنا عمر بن الخطاب

علموا اولادكم السباحة والرماية وركوب الخيل

لما نيجي نبص فى المقولة دى نلاقي الناس تجمدت عند تلك المقولة

تجمدت!!!!؟

آه تجمدت...ازاى...بعض الناس كل ماتكلمها عن الرياضة وكده

تقولك السباحة والرماية وركوب الخيل

احب ان اوضح ليهم بس حاجة بسيطة من وجهة نظري المتواضعة

سيدنا عمر قال الجملة دى لان ماكنش فيه رياضات تمارس فى الوقت ذاته الا تلك
اما دلوقتى فعلموا اولادكم...الكومبيوتر...ركوب السيارة...العاب العصر الضرورية لنمو الفرد ولنمو الامة

بس ده كان توضيح

ـــــــــــــــــــــــــــــــــــــــــــــــ

Swimming


بصراحة فى السباحة دى حاجات كتييييييييير اوى

انا بتكلم عن اللى بيسبحوا فى بحر عميق مش اللى بيسبحوا فى شبر مية

:D

بتعلمك الثقة بالنفس

انك لو واثق فى نفسك عمرك ماهتغرق فى حياتك او هاتقع فى ورطات كتير

الاعتماد ايضا ع النفس

فلو انت غرقت فى دنيتك تقدر تعوم لوحدك وتوصل لبر الامان

التصدي لجميع العقبات فى حياتك مهما كانت الظروف

حاجة تانية برده الوحد بيحسها فى السباحة دى انها بتعلمنا ازاى لما تكون فى وسط بحر كبيييييييييييير وانت لوحدك بتصارع الامواج...لو انت بتصارعها بتهكم هتغرق على طول

لكن لو انت صارعت تلك الامواج بهدوء وذكاء حقا ستنجو

..............

عارفين اللى بيغرق بيغرق ليه....؟؟

لانه النقطة الوحيدة اللى بيفكر فيها وقت الغرق والعياذ بالله -اسأل الله العافية-انه بيفكر انه هيموت وبس

عمره مافكر انه هيقاوم الموج ويعرف يثبت نفسه ويطفو على الماء ...عمره ماعلم ان ماء البحر كثافته اقل فممكن تشيله لكن لو هو استرخى

لو قسناها فى حياتنا احنا بنغرق فعلا لاننا لانواجه امواج وعقبات الحياة ولا نضحي ابدا من اجلها

انا مو بدي كورسات فى السباحة....لا..... انا بس بربط بين السباحة وبين الدنيا

وأد ايه السباحة فيها دروس واستفادات كتيييير اوى مشابهة لحياتنا

رمضـــــــــــ((فرصة ذهبية)) ــــــــــان


لا وقت لكلام كثير فكلنا يعرف رمضان ومايوجب فيه وكل ادرى بكل فعل يفعله فى رمضان والتقرب لربه باسلوبه


ولكن...... فلتكن همتنا عالية للتقرب من الجنان
قال(صلى الله عليه وسلم):"خاب وخسر من ادرك رمضان ولم يغفر له"ا
وكفى

كل عام وانتم الى الله اقرب وعلى طاعته ادوم

القيادة مع د/طارق السويدان

السلام عليكم ورحمة الله وبركاته
كان فى موضوع الدكتور طارق السويدان اتناقش فيه عندنا فى الكلية حبيت انقله لكم للافادة

انا والدكتور طارق السويدان برده له الشرف التقاطه صورة معى ههههههه
/

/

القيادة

التعريف السويدانى((على حد قوله)) للقيادة
هي القدره علي تحريك الناس نحو الهدف والذي لا يملك القدره ولا يملك هدف ولا يملك اشخاص يحركهم فليس بقائد
وهناك ثلاثة انواع من الناس

انسان عادى

انسان فعّال

انسان قائد
وهناك ثلاث مراحل ان ننقل الانسان العادى الى فعّال والمرحلة الثانية ان ننقله من فعّال الى قائد ومن ثم من قائد الى قائد اسلامي
ــــــــــــــــــــــــــــــــــــــــــــــــ
المرحلة الاولى
عادى ـــــــــــــ> فعّال
ولكي ننقل الإنسان من انسان عادي إلي انسان فعال نعيد تربيه الإنسان وذلك بالتالي
تغيير الفكر وذلك بتغيير المبادئ والقيم والطموحات والعقيده والنظره للدنيا।
تغيير الفكر وذلك بتغيير المبادئ والقيم والطموحات والعقيده والنظره للدنيا।
تغيير المهارات مثل الخطابه والإلقاء وإداره الوقت وغيرها
تغيير العلاقات।
تغيير القدوات
ـــــــــــــــــــــــــــــــــــــــــــــــــ
المرحلة الثانية
فعّال ــــــــ> قائد
ولكي ننقل الإنسان من انسان فعّال إلى انسان قائد يستطيع ان يقود مجموعة من الناس
يلزم الاتى
الرؤيا المرشده وذلك بأن تختار المجال الذي تريد ان تكدس حياتك له।
فحب التخصص يؤدى الى الابداع
التوازن بين الروح والعقل والعاطفه والجسد।
ويتأتى ذلك بالقراءة فهى تنمى هذا التوازن
وعلى الاقل كتابين كل شهر
التحكم في الذات وتوجد مقوله تقول " لا يحسن الإختيار لغيره من لا يحسن الإختيار لنفسه "ا
معرفه الناس وذلك بمعرفه مهارات الناس وقدراتهم وتشكيلاتهم।
وتوجد مقولة فى هذا((من لايُحسن الاختيار لنفسه لا يحسن الاختيار لغيره))ا
ويجب ان يتحقق فينا شرط السعادة
فلم يختلف البشر كلهم نبيهم وفيلسوفهم عن البحث عن السعادة فأعلى درجات السعادة تتحقق بالعطاء
ــــــــــــــــــــــــــــــــــــــــــــــــــــــــــــــ
المرحلة الثالثة
قائد ـــــــــ> قائد إسلامي

لا عز لنا الا بالاسلام...ليس شعار فقط ولكنه هوية
ويتأتى ذلك بالآتى

عمق الإيمان وذلك بالتعلق بالله وبالقرأن والسنه النبويه وغيرها.

الإتباع وذلك بتنفيذ اوامر الله ورسوله।

التزكيه والأخلاق والإستقامه وذلك بتصفيه القلب من الحقد والحسد والغيره والكراهيه وغيرها....

تصفية العلاقات بين الناس

يكون في القلب معني الإستخلاف بأن يعمل لأجل الله لتكون كلمه الله هي العليا।

....................................
النهاية
وكان فى كلمة لطلاب كلية الهندسة بما ان الدكتور طارق مهندس بترول
هاحاول انزلها
اتمنى من الله ان ينفعنا بما تعلمنا وان نطبق ماتعلمناه
نسألكم الدعاء عشان الامتحانات


Red Card

الفرق بينا وبينهم (.)...العرب والغرب...والى اين؟

عودة من جديد
^_^
حمدا لله على سلامتى :)
كثيير منا مايتابع الافلام المصرية والافلام الاجنبيه
وكثير منا مايتباع المسلسلات الدرامية المصرية والاجنبيه
وانا لاحظت من تلك الافيشات للأفلام المصرية والاجنبية
ولاحظت من مشاهدتها الاتى:-ا
ـــــــــــــــــــــــــــــــــــــــــــــ
الافلام المصرية

حاجة عجيبة اوى البطل دايما يطلع حرامي ههههه

غالبا او احيانا تجد فى تلك الافلام او الدراما نوع من السزاجة واللعب بالخيال الوهمي
تجدهم يتحدثون عن قضية غير موجودة فى المجتمع
احنا من امتى واحنا بنستخدم فى مصر اسلحة كلاشينكوف :)
من امتى واحنا فى مصر فى عصابات تناطح عصابات ال
KKK

من امتى واحنا فى مصر بنعمل عمليات اغتيال فى خارج البلاد

من امتى واحنا فى مصر فى......الخ
اصبح الكثير من هذا الشعب يأخذ القيم والمبادئ من تلك الافلام التى تنقل واقع ليس بواقعنا
ــــــــــــــــــــــــــ

الافلام الاجنبية

اما البطل هنا دايما بيبقى القانون سواء الحكومة او العصابات المهم القانون هو اللى بيتنفذ

بصراحة اللى خلانى اكتب البوست ده......لما لقيت فى كواليس احدى افلام الاكش اتذكر

المفروض ان فى سيارة بتجرى وفي على تابلو العربية كوباية مياة...العجيب واللى شدني جايبين فيزيائي يحسب التوتر السطحى للمياه

ويضع كل الاحتمالات حتى لا يستهزئ بعقلية المشاهد ويوقل المفروض الكوباية دى تقع ده العربية سريعة مووت!!!:)ا

افلام تتطلع الى الخيال وهى طبيعتهم
لا يتقمصوا احيانا شخصيات
انا اتحدث عن الافلام ولا اقصد الخرافات والكرتونز
افلامهم اينعم فيها نوع من الخيال ولكن هما بالفعل بذلك التطور وتلك التكنولوجيا

ــــــــــــــــــــ


الفرق الجوهري من وجهة نظري

هم تمسكوا بمابدئهم-وان كانوا على خطأ-فسادوا العالم
وتخلينا عن قيمنا فاصبحنا فى ذيل الامم ولله الحمد



الشاهد
لاعودة لنا فعلا الا بالتمسك بمبادئنا والتضحية من اجلها
فالرسول صلى الله عليه وسلم هو خير قدوة لهذا الموضوع ولا تقولى جيفار ولا غاندى

أسس دولة اسلامية بجميع مؤسساتها بل اسس خلافة

ولم تأت الخلافة الا بعد تضحياااااااااااااات كثيرة

هكذا الدعوة الى الله والطريق الى النجاح


بس وخلاص على كده ^_^

عودة تانى.....بوستات كتير:) ا


بقالى بتاع شهووور لم ادوّن

شكرا لمن سأل عليّا
شكرا لمن وجع دمافى انى اكتب
شكرا لمن هرانى ماسيج
-مش اوى كده يعنى-
ـــــــــ.......ـــــــــ

نأسف نأسف على التأخير لاسباب عدة

رااااااااااااجع تانى ان شاء الله وبنيو لوك للمدونة

وموضوعات حيوية ان شاء الله


ليـــــه كدة!!!!؟

طـــ ــ ـ ـ ـب لـــ ـــ ــ ـ ـيه كـــــ ــ ـ ـده
؟!؟!؟!؟!؟
هو
كــــــــــــــــــده
!!!
وبس

لقائي مع أ/عمرو خالد...وحملة ((حماية))ا

السلام عليكم ورحمة الله

معلش الفترة طالت لكن لظروف

هو طبعا
الشاعر سبقنى فى الموضوع ربنا يجزيه خير لكن اهنشره برده عشان اللى ماشفوش هناك او بطريقتى الخاصة
كان من أسبوع روحنا سجلنا الحلقة مع أ/عمرو خالد فى برنامج((الجنة فى بيوتنا)) حلقة ((حماية)) عن المدمنين
روحنا
انا والشاعر والخشاب

أنا و أ/عمرو
طبعا شرف لأستاذ عمرو انه يتصور معايا هههههه لاطبعا العكس أكيد




من اليمين لليسار
أنا((طب ليه كده))،أ/عمرو خالد ،الشاعر،الخشاب ووراه مهند كان هايضرب خشاب_على حد قوله_ اممممم


وقبل الحلقة احنا انا والشاعر سجلنا معاه كلمة للمدونين ((قريبا هانزلها))ا
وقبل التسجيل اتلطعنا فى الساقعة كام ساعة كدا...وضاع منّى ال((إم بي فايف))ا
اللى كنت يعينى هاصور بيه
المهم لعله يكون خير لكن الشاعر قام بالواجب
ندخل فى الموضوع
عشان تعرفوا اكتر الحلقتين هيتذاعوا على ((المحور والرسالة))يوم الجمعه الساعة التاسعة مساءاً على المحور وتسعة ونص ع الرسالةاللى جايا ان شاء الله
المواعيد فى الموقع والحلقتين إن لم انزلهم هنا فهما على الموقع
عمرو خالد


الصور دى قبل التسجيل


الباشمهندس محمد سعيد*((صناع الزقازيق)) والشاعر ومصطفى محمود((صناع البحيرة )) وانا المصوراتى





ده بقى محمد سوادان ((رفيق أ/عمرو )) بيبصلنا اوى وبيقول اهى دقنى اهى ان عرفتوا تصوروا


وأ/عمرو الحقيقة كان فى روايتين على الصورة دى انه بيقرأ قرآن وده أكيد انه لازم يقرأ قبل التسجيل والرواية الاصح ان فى واحدة عطتلها المصحف هدية وكان فى إهداء وهو كان بيقراه مع احترامى لرأى ((
الشاعر))ا
وزى ماقال
الشاعر ان الموضوع ده لازم نسأل نفسنا


موضوع اللى هو ناخد بايد المدمنين ده مهم دلوققتى واشمعنا دلوقتى

هو فى رأي وزى رأى كل اللى سمعوا ان غزة واللى بيحصل هناك لا يخفى على احد لكن اتكلمنا فى الموضوع وقلنا دورنا ايه فيه


لكن من ضمن الادوار المهمة اننا نصلح فى أنفسنا وناخد بإيد بعض
الاحصائيات موجودة على الموقع أنه اكتر من 10مليون مدمن على مستوى العالم وعلى مستوى مصر حوالى مايقرب من 4 مليون مدمن أكيد عدد كبييير جدا

وده إهداء((أوتوجراف)) بسيط لكل الشباب وخصوصاً المدونين


ده شعار الحملة

ياريت تسيبه عندك ع الجاهز

اطبعه

علقه فى اى محل تعرفه

فى المدرسة

فى الجامعه


دورنا ايه

والله كل واحد ادرى بنفسه واللى هايعمله لكن كبرنامج ادخل ع الموقع وانت تعرف
لو بكلمة.....ولو ببوستر....ولو بطريقة معينة ......ولو بسيجارة((هههههه)) عشان نتعايش
لا بجد الموضوع محتاج مننا تعاون كبيييير



وكل التفاصيل موجودة على الموقع بتاع أ/عمرو خالد


انتظررررررررررونى قريبا مع د/طارق السويدان




قريييييبا...حوار حصري مع د/طارق السويدان وا/عمرو خالد

انتظروووووووووووووووووووووووووونى



قريبا جدا حوار خاص وشيق وممتع مع كلاً من


الدكتور طارق السويدان
و

الاستاذ عمرو خالد



يبقى انت اكيد اكيد فى ايجيبت

بسم الله الرحمن الرحيم
السلام عليكم ورحمة الله
الموضوع ده يمكن متكرر فى حتت كتير لكن أنا عامله بطريقة مختلفة وبأسلوبي المتواضع
عدنا بعد غيبة قصيرة بناءا على طلب الجماهير
البوست ده جه مقابل حاجت كتير اوى بشوفها فى كل حتة فى مصر
الموضوع جه وانا مسافر على الطريق الصحراوى سواء بتاع مصرالاسماعيلية الصحراوى واللى بمرعليه كل يوم مرتين
الواحد بقى من كتر السفر ع الطريق ده عاد بيزهق اووووووى خلاص حفظت الطريق حتة حتة عربية عربية بنزينة بنزينة
المهم
وانت ماشي ع الطريق خلاص بقى عدينا مرحلة الواحد كان بيفرح ع الطريق وبيقعد جنب الشباك بعد مرور سنة الواحد زهق من الطريق ومن اللى بيشوفه من حوادث ومن خناقات وساعات زحمة وساعات فاااااااضي وتضحك بقى على اللى مكتوب على ضهر العربيات
اسمع ياسيدى
((استرها يارب،الطارة دوّارة والغلطة بخسارة،الكريم لايُضام،الحلوة تفاحة للسفر والسياحة،ياتهدى ياتعدى،لو إيزيزو يبقى الوهاب،،ياتقولّها ياطنط ياجيبهالك ع الجنط ،مهما السمك يكبر الحوت هايفضل حووت،إن خلص البنزين فى كمين))
وغيره وغيره من الامثال ده ا ده اللى فاكره بس
الحاجات دى خلتنى افتكر موضوع مهم فى الشعب المصري ألا وهو


الروتيييييييييين
وكأننا أصبحنا آلات بل تروس تعمل فى آلات
وموضوع الروتين ده بيظهر في حاااااااااااااااجات كتيرة اوى اوى الواحد بيفتكر انه لمّا كان فى ابتدائي ومن २५ سنة لم يتغير المنهج الدراسي،ولا لمّا ازور المدرسة اللى كنت فيها ألاقيها لم تتغير ولو بفكر واحد ،ولما تلاقى مثلا واحد صاحبك رايح تسلم عليه او زميلك بيردد ألفاظ روتينية ورسمية جدا زى تسلم على واحد وتقوله سلام عليكم تلاقيه وبسرعة البرق يردد عبارات لا تفهمها إطلاقا _سنتراكاتووو_وحاجات عجيبة كده وتلاقيه مدور وشه أو بيقول ماتيجي اتفضل معانا وانت ماتلحقش ترد تلاقيه مشي
وحاجات تانية وتالتة هنقول ايه ولا ايه

ولا الاشااعات اللى كل يوم الواحد بيسمعها
لن انسى موقف ايام ماكان المغنى اللى اسمه بهاء سلطان فى المدرسة العيال تقول انا شوفته بعينى والله وهو بيتعدم كان منظره يصعب ع الكافر
وآجى بعد يومين الاقى بهاء سلطان زى الحصان
ولا الريّس بتاعنا ربنا يخليهولنا الناس فجأة قالت ده مات واللى يقولى ده قريبي فى المخابرات وقالى انهم دفنوه

سبحاااااااااااااااااان الله

المهم فى الموضوع انى عجبنى الحاج نيوتن اوى لما قال ايه

لكل فعل رد فعل مساوٍ له فى المقدار ومضاد له فى الاتجاه
فلازم كل واحد يفكر بطريقة مختلفة عن التانى ويكون له أسلوبه الخاص بيه وانه يتغير ولكن الثوابت ثوابت
ــــــــــــــــــ*ــــــــــــــ//ـــــــــــــــ**ــــــــــــــ//ـــــــــــــ*ــــــــــــ
وكان فى قصة حقيقة انا شفتها فى مواقع كتير ماكنت بقرأها اوى كنت بشوف العنوان بس لكن كنت مرة فى زيارة لجامعه المنيا وكان فى رئيس اتحاد لجامعه ما قالها بطريقة أثرت فيّا جدا
يحكى أن رجلاً عندما بلغ العشرين كان يريد أن يغيير العالم وقرر ذلك ، وبعد عشر سنوات كاملة اكتشف أن شيئاً في العالم لم يتغير ، عندها قرر أن يغير هدفه ليكون تغيير دولته فقرر ذلك ، وبعد عشر سنوات لم يتغيير شيئاً من دولته ، فقرر أن يغير مدينته واستمر على ذلك مدة عشر سنوات ولكن شيئاً من مدينته لم يتغيير ، وعند ذلك قرر أن يغيير الحي الذي يسكن فيه وبعد فترة عشر سنوات شيئاً من حييه لم يتغيير ، فقرر أن يغيير بيته وبعد عشر سنوات شيئاً من بيته لم يتغيير ، وعندما وصل إلى السبعين من العمر وعند وفاته اكتشف أنه كان ينبغي له أن يبدأ ويغير نفسه ، لأنه بتغيره لنفسه يستطيع تغيير بيته فالحي الذي يسكن فيه ثم المدينه فالدولة وربما يغيير العالم كله بعد ذلك ، فالتغيير يبدأ من الداخل
.
" ان الله لا يغير ما بقوم حتى يغيروا ما بأنفسهم "

اسيبكوا بقى مع شوية صور تعبر عن حال الشارع المصري

نواب بلدنا النايميييييييييين
شد ياريس....الدنيا مش مستاهلة

آدى الوصف ولا بلااااااااااش
نو كومنت بدون تعليق

استعد...قف...اجرررررى

حتى البنات بيقلبواااااا

الدور الثادس.....ياثباح العثل

والله عمار يابلد


قولوا تشييييييييييييييز


ماذااااااااااااااااا بعد ذلك!!!!!!!!!!!!!؟