عودة من جديد
^_^
حمدا لله على سلامتى :)
كثيير منا مايتابع الافلام المصرية والافلام الاجنبيه
وكثير منا مايتباع المسلسلات الدرامية المصرية والاجنبيه
وانا لاحظت من تلك الافيشات للأفلام المصرية والاجنبية
ولاحظت من مشاهدتها الاتى:-ا
ـــــــــــــــــــــــــــــــــــــــــــــ
الافلام المصرية
حاجة عجيبة اوى البطل دايما يطلع حرامي ههههه
غالبا او احيانا تجد فى تلك الافلام او الدراما نوع من السزاجة واللعب بالخيال الوهمي
تجدهم يتحدثون عن قضية غير موجودة فى المجتمع
احنا من امتى واحنا بنستخدم فى مصر اسلحة كلاشينكوف :)
من امتى واحنا فى مصر فى عصابات تناطح عصابات ال
KKK
من امتى واحنا فى مصر بنعمل عمليات اغتيال فى خارج البلاد
من امتى واحنا فى مصر فى......الخ
اصبح الكثير من هذا الشعب يأخذ القيم والمبادئ من تلك الافلام التى تنقل واقع ليس بواقعنا
ــــــــــــــــــــــــــ
الافلام الاجنبية
اما البطل هنا دايما بيبقى القانون سواء الحكومة او العصابات المهم القانون هو اللى بيتنفذ
بصراحة اللى خلانى اكتب البوست ده......لما لقيت فى كواليس احدى افلام الاكش اتذكر
المفروض ان فى سيارة بتجرى وفي على تابلو العربية كوباية مياة...العجيب واللى شدني جايبين فيزيائي يحسب التوتر السطحى للمياه
ويضع كل الاحتمالات حتى لا يستهزئ بعقلية المشاهد ويوقل المفروض الكوباية دى تقع ده العربية سريعة مووت!!!:)ا
افلام تتطلع الى الخيال وهى طبيعتهم
لا يتقمصوا احيانا شخصيات
انا اتحدث عن الافلام ولا اقصد الخرافات والكرتونز
افلامهم اينعم فيها نوع من الخيال ولكن هما بالفعل بذلك التطور وتلك التكنولوجيا
ــــــــــــــــــــ
الفرق الجوهري من وجهة نظري
هم تمسكوا بمابدئهم-وان كانوا على خطأ-فسادوا العالم
وتخلينا عن قيمنا فاصبحنا فى ذيل الامم ولله الحمد
الشاهد
لاعودة لنا فعلا الا بالتمسك بمبادئنا والتضحية من اجلها
فالرسول صلى الله عليه وسلم هو خير قدوة لهذا الموضوع ولا تقولى جيفار ولا غاندى
أسس دولة اسلامية بجميع مؤسساتها بل اسس خلافة
ولم تأت الخلافة الا بعد تضحياااااااااااااات كثيرة
هكذا الدعوة الى الله والطريق الى النجاح
بس وخلاص على كده ^_^
28 تعليقات:
عودا احمدا
ولو اننا مقصرون في الزيارة
اثرت نقطة مهمة جدا في هذا البوست
لابد وان نتمسك بقيمنا ومبادئنا ومنهاجنا .. ووالله لو فعلنا ذلك بحق .. لسدنا العالم
جزاكم الله خيرا
فعلا يا عبدالله عندك حق من امتى و احنا في مصر بتحصل الحاجلت ديه كلها و احنا فعلا لازم نتمسك بمبادئنا و مناهجنا و جزاك الله خيرا على مواضيعك المتميزة و شكرا
سبحانك يا ربى ..
ازاى ربطت بين الافلام الاجنبيبة والعربية وبين تمسكنا بدين الله لننجح فى حياتنا ؟؟
لك تحياتى
وفاء
والله عندك حق
مع كل انتقادتنا للغرب ومدى اباحيتهم
الا انهم مسئولين على جميع المستويات
فالفنانون يزرعون فى مواطينهم حب الخير والحق
ودئما الخير ينتصر
كمان بيعظموا دولهم
انت عارف
انا وانت عمرنا ما شوفنا الجيش الامريكى الا من خلال الافلام
طيرات ايه
ودبابات ايه
حتى الجنود الامريكان فى الافلام تخوف
عضلات وثقافه
مع انهم غير كده خالص وده الى شوفناه فى العرق شويه مرضى نفسين شواذ
لكن الفن هناك بيعظمهم
تعالى عندنا
تلاقى الجيس كوميديا
سواء اسماعيل ياسين
او هنديدى فى عسكر فى المعسكر
او عبود على الحدود
او البحريه
اوغيره من الافلام
الى بتتريق على الجندى المصرى
خليتنا نتهز قدام نفسنا
مش عاوز ارغى كتير
بس الله ينور عليك
تحياتى
الفرق
أن هناك عقل للمشاهد احترموه
أما هنا فعفوا
ليس هناك عقل للمشاهد
المشاهد الذى يتقبل اللمبى بكل سخافته
والمظاهر إللى حضرتك قولت عليها فى أفلام الأكشن عندنا
لايفكر أصلا
أعتقد أيضا أن مايبث من قضايا فى المسلسلات بالذات , أحيانا بيكون الهدف منها نشرها مش تسليط الضوء عليها
عودة ممتازة
بالتوفيق إن شاء الله
فعلا معاك حق ياعبد الله في كل اللي قولته وفعلا الفرق في المشاهد عندنا بنقبل اي حاجه ولو قلت ياجماعه دى تافهه يقولوا عليك معقد!!!!!!!!!!!!
وتحياتى
وبعدين انا عايزك تزور المدونه عندى ضروري علشان في موضوع مهم جدا عايز اسمع رايك فيه انا كنت كلمتك عنه
تحياتى
السلام عليكم ورحمة الله وبركاته
ازيك يا عبدالله
دي اول مرة اعلق عندك على المدونة
جمييل جدا فكركم ومحاولتكم لانشاء فكر خاص وراي مفتوح وعرض الراي والراي الاخر
ربنا يوفقكم
بخصوص البوست
ربنا يهدينا جميعا
يمكن المشاهد اللي هو احنا سبب في انحدار مستوى صناعة السينما
بمعنى
اننا لو قاطعنا الافلام السخيفة او اللي بتسفه عقولنا
هتنحسر موجة الفيلم الاوفر 0المبالغ فيه -
زي ما الناس زهقت في التمانينات من افلام المقاولات بتاعة المخدرات والشحاتين والهوجة السخيفة دي واللي اتقتل فيها جييل كبير من الممثبين والممثلات يشحذون الان ادوارا ثانية وثالثة وخامسة في افلام الجيل الحالي
وان كان لافلام الفترة الحالية عيوب كثيرة
الا ان عدد لا باس به منها يتميز بالحفاظ على مستوى جيد من الاخلاق من حيث المناظر الاباحية والكلمات السوقية وان كان هناك مؤخرا سيل من العنف والاباحية والالفاظ السوقية للاسف
لسنا ضد السينما بشكل عام انما نحن ضد فساد الذوق العام وفساد الاخلاق وانحطاط المستوى الفكري الذي يهزأ يعقل المشاهد
اتمنى ان ارى فيلم خيالي في ل احداثه لكنه يحترم عقلي ويخاطب همومي ويطرح اقتراحات للحلول
وجزاكم الله خيرا
تحياتي للبطلين
احمد ياسين و حسن البنا
نور
وانتوا نورتونا والله
عندك حق بس مين يسمع؟
وجزاكم
ـــــــــــــــــ
خديجة محسن
فعلا عندى حق هههه نورتينا ياخديجة بمرورك هنا والله وده بعض ماعندكم:) وعفوا
ــــــــــــــــــــ
wafaa
يبدو ان حضرتك مش فاهمة وجهة نظري
يعنى حضرتك شايفة ان الافلام بتاعتنا ماشاء الله عليها كلها محجبات وفيها دروس وعظ؟ طبعا الافلام المفروض تعبر عن واقعنا مش واقع ناس تاينة
فهمينيى وجهة نظرك
ــــــــــــــــــــ
momken
والله فعلا عندك حق احنا بنهزأ نفسنا حتى فى الجيش المصري
بجد اضافتك جميلة اوى
ارغى براحتك ياعم ده بيتك ومطرحك
نورتنا
فزلوكة
فعلا هما احترموا عقلية المشاهد
انما هنا فى مصر نو احترام نو انتاج كويس نو اى حاجة...كله فلوس وبس وعلى قفا اللى بيدفعوا فى السينما وبينجحوا الافلام دى
نورتينا بجد
ــــــــــــــــــ
nabil
اه والله ده ممكن نستغل الاستخفاف بالمشاهد ده اننا نعمل انقلاب ع البلد من الصبح ههههه
دخلت ورديت ياحبي
يانصفنى...مش بقولك فىيه توارد خواطر ههههه
ـــــــــــــــــــــ
مدام دعاااء
ايه المفاجآت الجميلة دى ان شاء الله اول وليس اخر مرة
وعند حضرتك حق فى كل كلمة فعلا قولتيها
فعلا لسنا ضد السينما بشكل عام ولكن يكون فى نقل واضح للواقع وعدم استخفاف بعقيلة المشاهد
ده معظم الافلام الحديثة كل أفكارها مسروقة وانا ممكن اعمل حملة على كده واجيبهم كلهم ههههه بس مش فاضي
نورتيييييييينا يامدام دعااااء والله
وهايوصل السلام للبطلين
فينك من زمان ماحدش بيشوفك ليه
عموما حمد الله على السلامة
انا معاك فى اللى بتقوله
بس برضه ماننكرش ان الافلام العربى بقت احسن من الاول بكتيير
تحياتى
انا معاك فعلا ان فى افلام كتير ف السينما هنا ملهاش اى علاقه بالواقع خالص حتى لو دخلت الفيلم وعجبك و ايراداته عاليه بس ف الاول و ف الاخر الفيلم ملهوش علاقه بالواقع
و المفروض ان السينما ى نبض للواقع و تعبر عن اى حاجه بتحصل ف الحياه و اعتقد كمان ان النوع ده من الافلام هو اللى المفروض يشد الناس
يعنى افلام احمد السقا محدش ينكر انها افلام رائعه و انا بحب تمثيل احمد السقا جدا بس فين ده بالواقع بتاعنا احنا المصريين ؟
انا اكتر فلا عجبتنى و حسيت ان ليها علاقه بالواقع بتاعنا فيلم اوقات فراغ و فيلم واحد من الناس و فيلم محطه مصر هو صحيح قصه الفيلم غريبه شويه بس شخصيه كريم عبد العزيز موجود منها كتير ف الواقع
انا صديقه جديده
واشكرك على الموضوع
لانى من محبى بروس ويلز واحب اقولك
ان مدونتك اكثر من رائعه وياريت تزور مدونتى انا فى انتظار مشاركاتك
والله معاك حق
همه الايام ده اللى ظاهرين اوى وكده بانهم الاوائل فى كل شئ
بس احنا لو فعلا اتمسكنا بدينا وحافظنا علييه هنبقى احسن منهم مليون مرة
وتحياتى اليك
وتسلم
ياااااااااااة فعلا يا عبد الله عندك
حق فى كل اللى قلتة انا مش عارفة
لية باحس فى الأفلام العربى دى كأنهم
بيستغبو المشاهد يعنى بيجيبو مشاهد
احيانا بتبقى غبية جدا مايصدقهاش
عاقل..على عكس الأفلام الأجنبى اللى
بتحترم جدا عقلية المشاهد ممكن يكون
فيها شوية حاجات مش واقعية بس ممكن
تحصل فى المستقبل...فعلا ياعبدالله تسلم
ايدك انا فعلا مش عارفة انت ازاى
قدرت تربط بين الافلام واننا نتمسك
بمبادئنا وقيمنا
جزاك الله خيرا واسفة جدا على الاطالة
اولا حمدلله علي السلامة ويارب نشوفك كده ديما بأجسن حال
بالنسبة لفليم الجزيزة مثلا هو اكيد احنا مش كده بس ده موجود بالفعل في بعض المناطق ان يكون شخصية هي اللي تتحكم في كل شيء ومتهماش الحكومة
اكيد في بعض الافلام المصرية مش حلوة وكأنها بتتعامل مع عقليات غبية
لكن بعضها دلوقتي بقي كويس جدا وبيناقش قضايا مهمة جدا
يعني مقدرش اقول وحشة
بس اسوء شيء انك تعرض افلام معظها بيتكلم ان الناس عيشة عيشة صعبة وانهم مقهورين...ده الغلط لان مش كل الناس كده..ده بعض الناس...واحنا كده بنسوء سمعة مصر بره وهيفتكروا ان مصر كلها بشكل ده...وده طبعا مش حقيقي
بالنسبة للافلام الاجنبية
الخيالية بالذات انا بعشقها وافكار رهيبة
وبتكون بعض افلامهم الخيالية اتعملت من توقعات علمية
يعني فليم مثلا بتكلم علي ان الانسان صنع انسان اّلي والانسان اّلي ده تطور وبقي بيهاجم الانسان
والفليم بجد كان رائع ومش معني انهم عملوا افلام خيالية يبقي بيضحكوا علي عقولنا ..ده من وجه نظري
بس انت قلت كلمتين تحت عجبوني اوي
انهم هو اللي سادوا العالم وان كانوا علي خطأ واحنا اتخلينا عن مبادئنا واصحبنا اذلاء
تحياتي ليك علي البلوج الجامد ده ويارب ديما نشوف المزيد
مومو
semsema
انا رجعت الحمد لله كانت مشاغل بس
طبعا الافلام العربي فيها منها كويس ماحدش ينكر لكن انا بتكلم عما هو غير كويس
ـــــــــــــ
Nefertiti
دي وجهات نظر طبعا وكل واحد يقيم الفيلم اللي يعجبه لكن في افلام في مجملها باين انها مالهاش لزمة خااالص
نورتينا فى المدونة هنا
ـــــــــــــــــــــ
انى احبكم في الله
منورانا ياصديقة...بروس ويلز له افلام فعلا جامدة زي العنصر الخامس
ويشرفنا زيااارة مدونتك
ريحانة الاسلام
منورانا
واكيد لو اتمسكنا بكل مبدأ من مبادئنا الموافقة للشرع هايبقى فيه
كلام تانى
ــــــــــــــ
روح الاسلام
مبروووووووك المدونة هااااايلة جدا والله وبداية موفقة ونروتينا هنا
ومش عارف انتى تقصدي انى لما ربطت كده دي حاجة كويسة ولا وحشة؟؟
لا طولي براااحتك
ـــــــــــــــ
احلى حياة
مدونة جديدة حلوة يامومو
وعلى فكرة الصورتين ليس لهم علاقة بالتحليل
انا بس حطيت صورتين بيدلوا على حبي للفيلمين ولي حبي للممثلين او انتقادى للفيلمين
واضافتك جميلة ماشاء الله ربنا يجزيكى خير
انا عاوزة اشكرك على دخولك مدونتى وكمان التفاعل معى واحب اقولك ايه المدونه دى يا عم ؟
اخويا العزيز
عارف انا مؤمنة جدا بالى قولتة والله ياعبد الله معظم مشاهاداتى للافلام الانجليش الامريكية اكتر لدرجة لما بتفرج اليومين دول صدقنى على العربى والله باقو يحاولو يقلدو الاجانب حتى فى الافكار رائع
لأ انا كان قصدى انك قدرت تربط بينهم يعنى عامل حاجة كويسة مش اى حد يقدر يربط بين موضوعين بحيث ان هوة يطلع موضوع واحد مفيد زى دة
وللمرة التانية باقوللك مدونتك حلوة جدا ومتميزة فعلا
انى احبكم فى الله
ده بعض ماعندكن ياعمة ههههه
ــــــــــــ
مشمشة كامل
فعلا عندق حق والله
نورتينا
ـــــــــــــ
روح الاسلام
اها فهمت كدهوجهة نظرك الحمد لله ده توفيق من ربنا انى اربط كده
للمرة التانية
نورتيييييييينابدخولك
الفرق بيننا و بينهم واضح من زمان . .
ما جعلنا ننبهر بهم اليومين دول .. هو الشويتين بتوع الإعلام بتوعهم ..
و دعاة التغريب المنافقين من أبناء جلدتنا .. اللي بيصوروا لنا الغرب على أنه جنة أخلاق و علم ..
جزاكم الله خيراً...
فعلاً عندما تخلينا عن قيمنا ومبادئنا وأخلاقنا أصبح حالنا هكذا
ولكن سيأتى الوقت الذى سنعود فيه لإسلامنا ومبادئنا واخلاقنا وحينها...سنعود سادة العالم كما كنا
نحن قوم أعزنا الله بالاسلام .... فإن ابتغينا العزة في غير دين الله أذلنا الله
البوست بجد .... جميل
timmy
عاشقة الشهادة وفلسطين
يمنى
جزاااااااااااكم الله خيرا كلكم على المرور الغالى ويارب تعيد لنا مجدنا
المشكلة دلوقتى يا عبدالله ان 90%من الشعب المصرى بيقلدوا الغرب فى كل حاجة ومجتمعنا المصرى اتحول لمجتمع غربى ملوش علاقة بالدين ولا العادات والتقاليد وى اى حاجة
وشئ كويس انك تتكلم عن موضوع زى دا
ندا منير
فعلا عندك حق والله بقينا نقلد تقليد اعمى
ربنا يستر ياااارب
الف الف شكر على المرووور الغالى
Post a Comment